Խիստ ծնողների երեխաներն ավելի ռիսկային խմբում են. news.am

Երեխաներին առավել քիչ ռիսկի են ենթարկում այն ծնողները, ովքեր դաստիարակությանը խելամտորեն ու առանց ավելորդ խստության են վերաբերվում:

Չափից դուրս խիստ ծնողները երեխաների մոտ թմրանյութերի, ալկոհոլի եւ սիգարետի նկատմամբ կախվածություն կարող են առաջացնել: Այս մասին նշվում է կանխարգելիչ խնդիրների եվրոպական ինստիտուտի կողմից հրապարակված հետազոտության մեջ:

Հետազոտությունը վեց եվրոպական երկրներում է անցկացվել` Իսպանիայում, Շվեդիայում, Չեխիայում, Մեծ Բրիտանիայում եւ Պորտոիգալիայում: Փորձագետների հարցմանը 11-19 տարեկան ավելի քան 7000 անչափահասներ են մասնակցել:

Երեխաների հետ հարաբերությունները չորս տիպի են բաժանվել` «ամենխիստից» մինչեւ «ամենահանդուրժողական», հաղորդում է BBC-ի ռուսական ծառայությունը:

Պարզվել է, որ օպտիմալ մոդելները մեջտեղի երկուսն են` «ներողամիտն» ու «ավտորիտարը»:

Այսպիսով, երեխաներին առավել քիչ ռիսկի են ենթարկում այն ծնողները, ովքեր դաստիարակությանը խելամտորեն ու առանց ավելորդ խստության են վերաբերվում:

Հարցեր, պատասխաններ, մեկնաբանություններ